【点新闻报道】英国移民圈子笑话多，近日有移英港人提出英国生活成本比香港低得多，话基本上穷人一到英国，生活就会得改善。结果惹嚟一众网民讥笑，“bno visa唔需要钱？？is it a joke?”、“穷移无钱无技能，英语能力低啲系生活唔到落去先啱，穷移嚟到英国生活更困境就真”。
有移英港人在社交平台threads大发“伟论”，话“穷人系应该移民，但其实穷人系移唔到民”，指“主流国家所有Visa，一系要有钱一系要有技术，穷人好难拥有。BNO Visa真系机会难得，又唔需要钱又唔需要技术，基本上穷人一到英国，生活就会得改善。”楼主更断言，“如果你移民英国后生活变差，老实讲我好羡慕你。一直以嚟喺香港，你系过紧比我好几多百倍慨生活。”
帖文惹嚟一众网民讥笑，“移民到英国，正式入籍前，基本上不会得到任何补贴，衣食住行全靠自己，如果你系经济唔好，如何生活？点解会比在香港更好。英国慨生活成本比香港高啊！”
有网民质疑“香港穷人点一到英国就改善生活”，并更列举多项移英支出打脸，“visa首先5皮之后，穷L点租到楼upfront 6-12months加deposit仲有bills、council tax唔好话生活一日三餐同车费，穷人系唔会有闲钱比到以上呢笔费用，定系买张机票一到英国做homeless真系改变生活”。
有网民揶揄楼主“谂多咗，喺香港过得唔好，出去外国基本上唔会过得更好”、“visa、nhs，之后考试入籍都唔平，英国生活成本高过香港，税又重，只能话移民visa门槛比其他visa低，如果系穷人一开始要拎几万蚊出黎申请visa都拎唔到”。
有网民直指楼主的说法不合理，“喺英国所有嘢都要靠自己无任何benefits，搅Visa IHS买车买楼/租楼样样都系钱行先，穷移无钱无技能，英语能力低啲系生活唔到落去先啱，穷移嚟到英国生活更困境就真，穷移回流合理过穷人移民改善生活吧”。
